“ვისაც გსურთ, აღნიშნეთ ჰელოვინი და იმხიარულეთ” – რას წერს ილია ჭიღლაძე

ვისაც გსურთ, აღნიშნეთ ჰელოვინი და იმხიარულეთ – ამის შესახებ სასულიერო პირი ილია ჭიღლაძე სოციალურ ქსელში წერს.

“ჰელოვინი ინგლისში ძალიან სამხიარულო და ხალხურ-საბავშვო თამაშია, რაღაცნაირად ჰგავს ჩვენს ჭიაკოკონობას, რომელიც ბოლო 20 წელში თითქმის სრულიად მოსპო გაბატონებულმა შიოლამადიდებლურმა ეკლესიამ და ასევე ჭონას: ბავშვები დადიან კარდაკარ და ღებულობენ საჩუქრად ტკბილეულობას, ასევე არის ხუმრობები და სანახაობრივი წარმოდგენა- დეკორაციები.
ჩვენი საპატრიარქო რომ ასეთ საკითხზე ამხელა ყურადღებას იჩენს ამდენი წელია, მეტყველებს მათ დიდ პრიმიტივიზმზე და თეოლოგიური დონის დეფიციტზე. მეორეს მხრივ, ამას კარგად იყენებენ დასავლეთის დემონიზაციისთვის და ფობიების გასაღრმავებლად.
ჩემი ბავშვები სხვა ბავშვებთან ერთად კარგად ერთობიან ხოლმე და მეც მათთან ერთად. ასე რომ, ვისაც გსურთ, აღნიშნეთ ჰელოვინი და იმხიარულეთ!”