გორის მე-3 საჯარო სკოლაში მოსწავლე ძაღლმა დაკბინა – ინფორმაციას აღნიშნულის შესახებ “მოზაიკა” ავრცელებს.
როგორც საგანმანათლებლო რესურსცენტრის დირექტორი, ნანა ტერმაკოზაშვილი ამბობს, ბავშვი კარგადაა.
“რაც მთავარია, ბავშვი კარგადაა. ყველამ ვიცით, რომ ქალაქში მიუსაფარი ძაღლების პრობლემაა და ხშირად აღნიშნული სკოლის ეზოშიც შედიან. როგორც ჩანს სკოლის ღობის ღიობებში ეტევიან. რა თქმა უნდა, ყურადღებით არიან სკოლის დარაჯი და მორიგე, თუმცა შემთხვევისგან არავინაა დაზღვეული. როგორც ვიცი, სკოლა აპირებს ღობის განახლებას, ისე რომ ძაღლებმა შესვლა ვეღარ შეძლონ”, – გვითხრა ნანა ტერმაკოზაშვილმა.