შოვის სტიქიისას დაკარგული ზაზა მესხის შესახებ სოციალურ ქსელში მისი ნათესავი ახალ ინფორმაციას ავრცელებს.
რაფაელ გოგიტიძის თქმით, რამდენიმე დღის წინ იპოვეს ქალბატონის ცხედარი ხელზე ბეჭდით, რომელსაც შიგნიდან ეწერა “ზაზა”.
„რამდენიმე დღის წინ, ქალბატონის ცხედარი მარჯვენა ხელზე ბეჭდით, რომელსაც შიგნიდან ეწერა ზაზა. გუშინ მამაკაცის ცხედარი მარჯვენა ხელზე ბეჭდით, რომელსაც შიგნიდან აწერია ალინა.ეს ზაზას და ალინას სურათია, ორთავე ბეჭდით ერთად, ეხლახანს ზაზას 50 წლის იუბილეზე გადაღებული.- განისვენოს შენმა სულმა, იქ სადაც მართალნი განისვენებენ“, – წერს რაფაელ გოგიტიძე.
შეგახსენებთ, შოვში მეწყერი 3 აგვისტოს ჩამოწვა. ოფიციალური მონაცემებით, სტიქიის ზონაში 31 ცხედარია ნაპოვნი, 2 დაკარგულს კი ამ დრომდე ეძებენ. მესხი რაჭაში ოჯახთან ერთად იმყოფებოდა.
ზაზა მესხის ყოფილის მეუღლის პოსტს გაეცანით ბმულზე.