მსოფლიოს მასშტაბით სერვისები WhatsApp, YouTube და Telegram შეფერხებით მუშაობს. ამის შესახებ Downdetector-ის მონაცემები მეტყველებს. WhatsApp–თან დაკავშირებული პრობლემები ევროპასა და ლათინურ ამერიკაში დაფიქსირდა. ყველაზე მეტად ხარვეზები ესპანეთში, საფრანგეთში, იტალიაში, გერმანიაში, ნიდერლანდებში, ლიეტუვასა და დიდ ბრიტანეთში, ასევე ლათინო-ამერიკულ ქვეყნებში – მექსიკაში, ბრაზილიაში, არგენტინასა და პერუში შეინიშნება.
WhatsApp-ის მომხმარებელთა დაახლოებით 96% აცხადებს, რომ სერვერთან დაკავშირებას ვერ ახერხებს, 3% ვებ-გვერდზე ხარვეზებს უჩივის. Telegram შეფერხებით მუშაობს ბელარუსში, უკრაინაში, მოლდოვასა და რუსეთში. 87% აპლიკაციას ვერ უკავშირდება, ხოლო 12% შეტყობინებებს ვერ აგზავნის. YouTube–თან დაკავშირებით პრობლემებზე აშშ-ის, რუსეთისა და იაპონიის მაცხოვრებლები წერენ. 64% ვიდეოს ვერ რთავს, 32% აცხადებს, რომ პრობლემა ვებ-გვერდის ჩატვირთვისას იქმნება, ხოლო 3% ვიდეოჰოსტინგის საკუთარ გვერდზე ვერ შედის.