საქართველოს ექს-პრეზიდენტის მიხეილ სააკაშვილის მე-12 პენიტენციური დაწესებულების გისოსებთან გამოჩენას მომღერალი თემურ თათარაშვილი “ფეისბუქის” პირად გვერდზე შემდეგი სახის პოსტით ეხმაურება:
„ეს ბუმერანგი რა ოხერი რამეა…. მარჯვენა ფოტოზე მე ვარ…“
ცნობისთვის, მომღერალი თემურ თათარაშვილი 2006 წლის 26 სექტემბერს დააკავეს. მას ნარკოტიკული ნივთიერება სუბუტექსის შენახვა-რეალიზაცია ედებოდა ბრალად. მოსამართლის გადაწყვეტილებით, თათარაშვილს 10 წლით თავისუფლების აღკვეთა მიესაჯა. მომღერალი პატიმრობიდან 2008 წლის 27 იანვრის პრეზიდენტის შეწყალების აქტის საფუძველზე გათავისუფლდა.
პატიმრობას თათარაშვილი პოლიტიკურ მოტივს უკავშირებს.
დღეს, რუსთავის მე-12 პენიტენციურ დაწესებულებასთან მიხეილ სააკაშვილის მხარდამჭერებმა აქცია გამართეს. მოქალაქეები ექს-პრეზიდენტის გასამხნევებლად და მისი პატიმრობის გასაპროტესტებლად შეიკრიბნენ.
სააკაშვილი აქციის მონაწილეებს საკნის გისოსებიდან მიესალმა.
„ძალიან მაგრები ხართ“, – ასე მიმართა მან მხარდამჭერებს.
აქცია „ერთიანი ნაციონალური მოძრაობის“ ახალგაზრდული ფრთის ინიციატივით გაიმართა.
მათი თქმით, ყოფილი პრეზიდენტი პოლიტპატიმარია და უნდა გათავისუფლდეს.
(ვიდეო) ვრცელდება მიხეილ სააკაშვილის საპატიმროში ყოფნის პირველი კადრები
915 სულ ნახვები
კომენტარები
0 კომენტარები
