გლდანის რაიონის მცხოვრებლებისთვის სოციალური აქცია გაიმართა. თბილისის საკრებულოს მაჟორიტარი დეპუტატის ინიციატივით, გლდანში რეგისტრირებულ მოქალაქეებს 120-ლარიანი ვაუჩერები გადაეცათ, რომლის გამოყენებასაც კლინიკა „მედიგრუპში“ სამედიცინო სერვისების მისაღებად შეძლებენ.
„მიმდინარეობს ძალიან კარგი აქცია ჩვენი რაიონის მოსახლეობისთვის, 120 ლარის მომსახურებას კლინიკა უწევს უფასოდ და მინდა ძალიან დიდი მადლობა გადავუხადო კლინიკის ხელმძღვანელობას მსგავსი აქციისთვის. დარწმუნებული ვარ, მომავალშიც ძალიან ბევრ კეთილ საქმეს გავაკეთებთ ჩვენი რაიონისთვის,” – აცხადებს თბილისის საკრებულოს გლდანის რაიონის მაჟორიტარი დეპუტატი კონსტანტინე ზარნაძე.