მთვარის ციკლის ყველაზე ნათელი წერტილები, რა თქმა უნდა, ახალი მთვარე და სავსე მთვარეა. თუ სავსე მთვარის დროს “აყვავების” პერიოდია და მაქსიმალურ სიძლიერეს, მოტივაციას ვგრძნობთ, ახალი მთვარე საპირისპიროდ მოქმედებს.
ამიტომაც, ახალი მთვარის დღეებში გაითვალისწინეთ შემდეგი:
არ არის რეკომენდებული ახალი ბიზნესის დაწყება ( საკმარისი ენერგია და რესურსი არ გექნებათ დასასრულებლად);
არ არის რეკომენდებული მნიშვნელოვანი გადაწყვეტილებების მიღება (დიდია ალბათობა იმისა, რომ ისინი საბოლოოდ არახელსაყრელი აღმოჩნდნენ);
არ გადატვირთოთ საკუთარი თავი ფიზიკურად (ამ დღეებში სხეულის ენერგია საგრძნობლად მცირდება);
არ შეიჭრათ თმა და ფრჩხილები (თითოეული მათგანი მტვრევადი და სუსტი გახდება ).
გარდა ახალი მთვარისა, არსებობს ეგრეთ წოდებული „მთვარე კურსის გარეშე“ – პერიოდი, როდესაც ცაზე მთვარე არანაირად არ ურთიერთქმედებს სხვა პლანეტებთან. ეს ნიშნავს, რომ ის არ გაძლევთ საშუალებას, სიტუაცია ან გარემოებები თქვენს სასარგებლოდ განვითარდეს. ამიტომ, ასეთ პერიოდებში, ასევე არ არის რეკომენდებული რაიმე მნიშვნელოვანის დაწყება. მაგალითად, თუ თქვენ გჭირდებათ საქმიანი ზარის განხორციელება, თქვენი პროდუქტის რეკლამის გაშვება ან რეზიუმეს გამოქვეყნება, მოერიდეთ ასეთ მთვარეს. წინააღმდეგ შემთხვევაში, შედეგები არ მოგეწონებათ.
ასეთი არახელსაყრელი მთვარის ხანგრძლივობა ჩვეულებრივ იზომება საათებში და არა დღეებში. მაგალითად, დილის 7-დან 10 საათამდე ის შეიძლება იყოს “უსაქმური”, ხოლო 10-ის შემდეგ ის უკვე დაიწყებს კავშირის დამყარებას რომელიმე პლანეტასთან.
ბოლოს, მთვარის კალენდრის კიდევ ერთი საყურადღებო პერიოდია, როდესაც მთვარე მორიელის ნიშანშია. ასტროლოგიაში ეს ნიშანი დაკავშირებულია კრიზისებთან, დანაკარგებთან და ნგრევასთან. ამიტომ, იმ დღეებში, როდესაც მთვარე მორიელშია, უფრო ხშირად ხდება სხვადასხვა უსიამოვნო სიტუაცია და კონფლიქტები. ეს პუნქტი ასევე გასათვალისწინებელია მნიშვნელოვანი თარიღების დაგეგმვისას. მაგალითად, როგორებიცაა:
ქორწილი;
ბიზნესის გახსნა;
მნიშვნელოვანი შესყიდვა;
სამედიცინო ოპერაცია;
გადაადგილება, მოგზაურობა.
წყარო – “ბომონდი”