სკოლის წინ დახატული გულით ემშვიდობებიან გეგუთის მეორე საჯარო სკოლის მოსწავლეები მეხუთე კლასელ ანა-მარია ბაბუნაშვილს.
“ნარგიზა, გია და თეკლა სიცოცხლისთვის იბრძვიან” – წერს ოჯახის ნათესავი და სოციალურ ქსელში ემოციურ პოსტს აქვეყნებს.
“…რატომ არ შეიძლება, რომ შეგვეძლოს, ამოვიყვანოთ ანა-მარიას სიცოცხლე, როგორც პატარა მფეთქავი ჩიტი, ჩავისვათ მუჭში, მივუყვანოთ უფალს და ვუთხრათ: ღმერთო, დაუტოვე ის დედამიწას. მან ხომ ჯერ ვერ მოასწრო ცხოვრების ყველა მძიმე და მსუბუქი კარი შეეღო, ყველა ნიავს და ქარიშხალს გამკლავებოდა, ყველა სიტკბო და სიმწარე ეგემა!..
ამბობენ: ადამიანი ქვააო, თუმცა, ქვაც იბზარება და იშლება…
ეს რა ჯოჯოხეთია, ღმერთო, გევედრები, შეცვალე სიკვდილის წესი და მშობლებს შვილების სიკვდილს ნუღარასოდეს აჩვენებ…” – მაგუ ჭეიშვილი
შეგახსენებთ, რომ 13 წლის გოგონა, სამი დღის წინ, ავტოსაგზაო შემთხვევას გეგუთი-ქუთაისის გზაზე ემსხვერპლა. ანა-მარია ბაბუნაშვილს დღეს უკანასკნელ გზაზე აცილებს მშობლიური სოფელი. ამ დრომდე მძიმეა გოგონას დის, მამისა და ბებიის მდგომარეობა.