საქართველოს ნაკრებისა და „ნაპოლის“ ქართველი ვარსკვლავის, ხვიჩა კვარაცხელიას ოფიციალურ facebook-გვერდზე ახალი პოსტი გამოქვეყნდა.
პოსტი ევროპის ახალგაზრდულ ჩემპიონატს ეხება, რომელის წელს საქართველოში იმართება.
საქართველოს ახალგაზრდული ნაკრების შემადგენლობაში ხვიჩა კვარაცხელია გამოძახებულია.
„დიდი პატივია, ვიყო იმ გუნდის გაფართოებული შემადგენლობის წევრი, რომელიც რამდენიმე დღეში ევროპის ჩემპიონატზე ითამაშებს. ჩემთვის ყველაზე ხანგრძლივი საფეხბურთო სეზონის შემდეგ, რთულია დროის ასეთ მოკლე მონაკვეთში კვლავ ასეთი მაღალი რანგის შეჯიბრზე თამაში. ამიტომ, მსურს გულშემატკივარმა ჩემგან იცოდეს ჩემი პოზიციის შესახებ. სურვილის მიუხედავად, რთული სეზონის შემდეგ სპორტული მიზეზების გამო, 21-წლამდე ევროპის ჩემპიონატზე მეც თქვენთან ერთად, ჩვენი ნაკრების რიგითი გულშემატკივარი ვიქნები. ახლა სრულად კონცენტრირებული ვარ იმ თამაშებზე, რომელიც საქართველოს ეროვნულ ნაკრებს კვიპროსისა და შოტლანდიის წინააღმდეგ ელოდება.
ყველას დიდი წარმატება მინდა ვუსურვო, ახალგაზრდულ ჩემპიონატზე, ჩემ გუნდელებს, მთელ ნაკრებს, სამწვრთნელო შტაბს და საქართველოს“, – წერს ის.
შეგახსენებთ, საქართველო პირველ თამაშს 21 ივნისს „დინამო არენაზე“ პორტუგალიასთან ჩაატარებს.
17 და 20 ივნისს საქართველოს (დიდ) ეროვნული ნაკრები ევრო 2024 -ის საკვალიფიკაციო ეტაპის შეხვედრებს კვიპროსთან და შოტლანდიასთან გამართავს, რის გამოც, კვარაცხელია ევროპის ჩემპიონატზე U21-ს ვერ დაეხმარება.