ეგვიპტეში ზვიგენს, რომელმაც საკურორტო პლაჟზე ზღვაში მოცურავე რუსი ტურისტი, ვლადიმირ პოპოვი შეჭამა, მუმიფიცირებას გაუკეთებენ და მუზეუმში გამოფენენ. ინფორმაციას ადგილობრივი მედია Al Arabiya ავრცელებს .
გამოცემის ცნობით, საზღვაო მეცნიერებების ინსტიტუტის სპეციალისტებმა ზვიგენის ბალზამირების პროცესი უკვე დაიწყეს და დასრულების შემდეგ ექსპონატს ინსტიტუტის მუზეუმში წარმოადგენენ.
ადგილობრივი ხელისუფლება ადასტურებს, რომ სპეციალისტებმა გაკვეთის შემდეგ ზვიგენის სხეულიდან ადამიანი ნაწილები, მათ შორის, თავი, მკერდი და ხელები ამოიღეს. სხეულის დარჩენილ ნაწილებს კი მეთევზეებმა ზღვაში მიაგნეს.
მათივე ცნობით, ზვიგენმა 23 წლის პოპოვის თითქმის სრულად შეჭმა მოასწრო და სხეული მხოლოდ დასახმარებლად დაძრული მეთევზეების ნავის გამოჩენის შემდეგ მიატოვა.
ადგილობრივი ხელისუფლების წარმომადგენლები იმედოვნებენ, რომ ზვიგენის გაკვეთისა და შესწავლის შედეგად მომავალში ზვიგენის თავდასხმების რისკების შემცირებას შეძლებენ. რეგიონის გუბერნატორის თქმით, იგეგმება ზღვაში სპეციალური ბადეების განთავსებაც.
23 წლის ვლადიმირ პოპოვი რამდენიმე თვის წინ მამასთან ერთად ეგვიპტეში საცხოვრებლად გადავიდა.
წყარო: nypost.com