“გთხოვთ რაც შეგიძლიათ გააკეთოთ, დამეხმარეთ” – სად დააფიქსირეს ბოლოს დაკარგული 27 წლის ბიჭი?

ჭიათურაში 27 წლის ნიკა ხვედელიძე გაუჩინარდა.

მისმა დეიდამ, დისშვილის გაუჩინარების დღეს გაიხსენა, რომ იმ დღეს ნიკა ჭიათურაში თბილისიდან ჩავიდა, მაგრამ სახლამდე არ მისულა.

ნიკა ხვედელიძის დედამ, “მეტრონომთან” საუბრისას აღნიშნა, რომ 27 წლის ბიჭი ბოლოს ზესტაფონში სათვალთვალო კამერებმა დააფიქსირეს. ამის შემდეგ კი მისი კვალი ქრება.

“ერთ-ერთმა კამერამ დააფიქსირა, ეს ის დღეა რომელ დღესაც დაიკარგა… ზესტაფონში დაფიქსირდა.

სხვაგან არსად არ ჩანს კამერებში. გთხოვთ რაც შეგიძლიათ გააკეთოთ დამეხმარეთ” – აღნიშნავს ნიკა ხვედელიძის დედა.