“ეს არის ურთულესი ამბავი ჩვენს ოჯახში, ერთ-ერთ ექიმს ეჭვმიტანილად მივიჩნევთ” – რაზე ალაპარაკდა ანრი ჯოხაძე

მომღერალი ანრი ჯოხაძე ძმას ეძებს და მას ეჭვი აქვს, რომ კაცი ცოცხალია და ის გააშვილეს.

„ეს არის ურთულესი ამბავი ჩვენს ოჯახში, დედმამიშვილებში მაგდა არის უფროსი, მაგრამ მანამდე ჩემს მშობლებს შეეძინათ ვაჟი, რომელზეც სამშობიაროში უთხრეს, რომ გარდაიცვალა. მყარი ეჭვი მაქვს, რომ ჩემი ძმა ცოცხალია და ის გააშვილეს. ახლა უნდა იყოს 47 წლის.

იმ წლებში ძალიან ბევრი ფაქტი მომხდარა ბავშვების მოპარვის და გაშვილების. ბოლო დროს ხალხი ამაზე ღიად ალაპარაკდა…ექიმი, რომელმაც ამშობიარა დედა, ერთ-ერთ ეჭვმიტანილად არის მიჩნეული ამ საქმეში.

ვესაუბრე თამუნა მუსერიძეს და მან დამაკვალიანა, თუ როგორ დამეწყო გამოძიება”, – ამბობს მომღერალი.