ვერძი
დღეს, შესაძლოა ყურადღების ცენტრში მოექცეთ, განსაკუთრებით აქტუალურია სასიყვარულო თემები. სიყვარულის ქარცეცხლში გახვეული, ნუ დაკარგავთ ობიექტურობას.
კურო
სასურველია, ჩართოთ ინტუიცია და მოიძიოთ ახალი ფინანსური წყაროები, ან თქვენი ჰობი აქციოთ საყვარელ საქმედ, რომელიც თქვენს განწყობასა და კეთილდღეობაზე დადებითად იმოქმედებს.
ტყუპები
საინტერესო იქნება, მოსინჯოთ წერის ნიჭი, გააკეთეთ ჩანახატები, დაიწყეთ დღიურის წარმოება, წერეთ თქვენი შთაბეჭდილებები, იაქტიურეთ ინტერეტ-სივრცეში, შეიძინეთ ახალი მეგობრები სოციალურ ქსელებში.
კირჩხიბი
თქვენ განწყობის ადამიანი ხართ, ამასთან, მეტად ხელგაშლილი და კეთილიც, მაგრამ არ შეგიძლიათ, დაფაროთ თქვენი ემოციები და ამიტომ, სასურველია, მხოლოდ პოზიტიური განცდები ამოაფრქვიოთ ირგვლივ მყოფებთან.
ლომი
ლომის ზოდიაქოს ნიშანს მართავს მზე, ცენტრალური ფიგურა მზის სისტემისა, ამიტომ, ახლა ლომების – ანუ თქვენი დროა! აივსეთ მზის ენერგიით, დაგეგმეთ მომავალი და იცხოვრეთ ლაღად და გაცნობიერებულად!
ქალწული
ნუ აიღებთ საკუთარ თავზე ზედმეტ პასუხისმგებლობას, ნუ შეეცდებით, ნებისმიერ ფასად წინ აღმართულ ბარიერებს რქებით შეასკდეთ, დაზოგეთ საკუთარი ძალები.
სასწორი
ყურადღება მიაქციეთ დეტალებს, შეცვალეთ, გაალამაზეთ, კორექციები შეიტანეთ პირად სივრცეში, შეგიძლიათ, წარმატებით დაიწყოთ უცხო ენების შესწავლა.
მორიელი
შანსი გაქვთ, დადებითი თვისებების წარმოჩენით თავი გამოიჩინოთ და აიმაღლოთ რეპუტაცია. არაორდინარული მიდგომებით, საქმისა და სამყაროს მიმართ, თქვენ ყველას გააოცებთ.
მშვილდოსანი
იყავით მეტად თავდაჯერებული, აუცილებლად მიაღწევთ წარმატებას, მაგრამ ბევრი რამაა დამოკიდებული თქვენს ფსიქოლოგიურ განწყობაზე. სასურველია, აქტიურად დაისვენოთ.
თხის რქა
ნუ წამოიკიდებთ ტვირთად ზედმეტ ვალდებულებებს, გარდა ოჯახის წევრებისა, ენდეთ მხოლოდ მათ, ვინც გიყვართ.
მერწყული
გამოიყენეთ თქვენი გამოცდილება და გააანალიზეთ განვლილი პერიოდი, შეიტანეთ შესაბამისი ცვლილებები თქვენს გეგმებსა და საქმიანობაში. იმოქმედეთ ფრთხილად და მოზომილად.
თევზები
იდუმალებითა და მისტიკით მოსილი თევზი მცხუნვარე მზეს სულაც არ უფრთხის. ახლა თქვენთვის საუკეთესოა დასვენება ზღვაზე, ქალაქიდან მოშორებით, საღამოს საათებში კი სეირნობა. მეტი დრო დაუთმეთ ჯანმრთელობას.