თურქული სერიალების ფანკლუბის გვერდი სოციალურ ქსელში ავრცელებს ინფორმაციას თაღლითური ჯგუფის შესახებ, რომელიც ნანუკასა და ჰალილის სახელით თანხას ითხოვს.
განცხადებას უცვლელად გთავაზობთ:
“გაფრთხილებთ, რომ შექმნილია თაღლითური ჯგუფი რომელიც ხალხს უკავშირდება ნანას და ჰალილის სახელით. ჯერ ინტერნეტის საშუალებით, შემდეგ კი ითხოვენ ნომერს და უკვე ვოთსაპის საშუალებით ამყარებენ კომუნიკაციას, ეუბნებიან რომ აგროვებენ თანხას რათა დაეხმარონ ბავშვებს. ჩემი მხარდამჭერი ჩემი ფანი ხომ ხარ და გაგვიწიეთ დახმარება თანხის შეგროვებაშიო .თუ ვინმეს მოგივიდათ ან მოგივათ ასეთი სახის მესიჯები იცოდეთ რომ, აქ არაფერ შუაშია ნანა და ჰალილი, არ დაუჯეროთ ასეთ შეტყობინებებს“,- წერია საგანგებო განცხადებაში.