„კვარაცხელიაზე წიგნი რუსულადაც გამოვა…“ – რას წერს გიორგი კეკელიძე

პარლამენტის ბიბლიოთეკის გენერალური დირექტორი, გიორგი კეკელიძე სოციალურ ქსელშია ახალ პოსტს აქვეყნებს.

კეკელიძის თქმით, მისი ახალი წიგნი საქართველოს ნაკრებისა და „ნაპოლის“ შემტევზე, ხვიჩა კვარაცხელიაზე – „ხვიჩა, ვარსკვლავი სახელად ვარსკვლავი“ – რუსულად ითარგმნება და საავტორო ჰონორარს კი ეროვნული გმირის, გიორგი ანწუხელიძის შვილებისთვის დაწესებული სტიპენდიის დანამატი იქნება.

„წიგნის „ხვიჩა, ვარსკვლავი სახელად ვარსკვლავი“ გამოცემის თხოვნით არაერთი რუსული გამომცემლობა შეგვეხმიანა და ყველას უარი ვუთხარი. თუმცა წიგნი რუსულად მაინც გამოვა, გამოსცემს ქართულივე გამომცემლობა. გარეკანის დიზაინი მცირედით შეცვლილი იქნება და ეწერება – ,,საქართველოს ტერიტორიის 20 პროცენტი ოკუპირებულია რუსეთის მიერ”, საავტორო ჰონორარს კი ეროვნული გმირის, გიორგი ანწუხელიძის შვილებისთვის დაწესებული სტიპენდიის დანამატად ვაქცევთ“, – წერს ის.