უკრაინაში მებრძოლი ქართველი ჯარისკაცი, თორნიკე გოგუაძე სოციალურ ქსელში პოსტს აქვეყნებს.
პოსტი მის დაბადების დღესა და უკრაინა-რუსეთის ომს უკავშირდება.
„მეორე დაბადების დღეს ვხვდები უკრაინაში უკვე.
დღეს არ იქნება ჩემი დაბადების დღის ფოტო და არც აღნიშვნა იქნება.
ესაა ყველაფერი, რაც ახლა გამაჩნია და კიდევ თქვენი სიყვარული. მეტი არც არაფერი მინდა ბედნიერებისთვის.
ესაა ჩემი გზა და რამდენი დაბადების დღეც არ უნდა მოვიდეს, არ აქვს მნიშვნელობა. მე ამ გზაზე ვდგავარ და გადახვევას არ ვაპირებ. ბრძოლას აუცილებლად მივიყვანთ ბოლომდე და როცა ყველაფერი დასრულდება, სადმე ტბის ან ზღვის პირას დავსახლდებით და ჩვენს მოგონებებთან ერთად გავაგრძელებთ ცხოვრებას“, – წერს ის.