ხათუნა ხუნდაძე სოციალურ ქსელში რუსი ოპკუპანტების მიერ კახოვკას კაშხლის აფეთქებას გამოეხმაურა.
ხუნდაძის პოსტის კომენტარებში ვხვდებით რეჟისორ ქეთი დოლიძის დამოკიდებულებას რუსეთის ზემოაღნიშნულ ტერორისტულ აქტთან მიმართებით.
„ნახევარი მსოფლიო გაზაფხულზე ასე მიაქვს წყალს… ჩვენი წყალდიდობა არ გახსოვთ?
დაგვიფაროს ღმერთმა!“ , – წერს დოლიძე.
შეგახსენებთ, რუსებმა კახოვკას ჰიდროელექტროსადგური ააფეთქეს, რის შედაგადაც, ქალაქი ნოვო კახოვკა იტბორება.
აფეთქების შესახებ ინფორმაცია ხერსონის საოლქო-სამხედრო ადმინისტრაციამ გაავრცელა.
„ახლა ზუსტდება ნგრევის მასშტაბები, წყლის სიჩქარე და მოცულობა, დატბორვის სავარაუდო ადგილები. ყველა სერვისი მუშაობს. ვითარების მონიტორინგი მიმდინარეობს”, – განაცხადა ადმინისტრაციის ხელმძღვანელმა, ალექსანდრ პროკუდინმა.
ამ ფაქტს უკვე გამოეხმაურა უკრაინის პრეზიდენტი, ვოლოდიმირ ზელენსკი.
„რუსი ტერორისტები – კახოვსკას ჰიდროელექტროსადგურის კაშხალის განადგურება მთელი მსოფლიოსთვის მხოლოდ იმას ადასტურებს, რომ ისინი უნდა განდევნო უკრაინის ყველა კუთხიდან. მათ არცერთი მეტრი არ უნდა დარჩეთ, რადგან ყველა მეტრს ტერორისთვის იყენებენ. მხოლოდ უკრაინის გამარჯვება დააბრუნებს უსაფრთხოებას და ეს გამარჯვება მოვა. ტერორისტები ვერ შეაჩერებენ უკრაინას წყლით, რაკეტებით ან სხვა რამით.
ყველა სერვისი მუშაობს. მე მოვიწვიე ეროვნული უსაფრთხოებისა და თავდაცვის საბჭო. გთხოვთ გაავრცელოთ მხოლოდ ოფიციალური და გადამოწმებული ინფორმაცია“, – აღნიშნა ზელენსკიმ.