კითხვაზე, განიხილავს თუ არა საკოორდინაციო საბჭო საახალწლო პერიოდში დაგეგმილი შემსუბუქების გაუქმებას, თუ ინფიცირებულთა ყოველდღიური რაოდენობა არ შემცირდება, გამყრელიძემ აღნიშნა, რომ საკოორდინაციო საბჭო ყოველდღიურ რეჟიმში აკვირდება ეპიდსიტუაციას და როდესაც მივუახლოვდებით 24 დეკემბერს, მიღებული იქნება შესაბამისი გადაწყვეტილება.
„როდესაც შეზღუდვები წესდებოდა, არავის უთქვამს, რომ ეს ზომები მოიტანს მყისიერ შედეგს. მთავარი მიზანი იყო, რომ არ გვქონოდა ზრდა. თუ აკვირდებით ბოლო 2 კვირის სტატისტიკას, ნახტომისებური ზრდა აღარ გვაქვს. შაბათ-კვირას ვართ 3000-3500 ინფიცირების ფარგლებში, სხვა დღეებში გვაქვს 4-5 ათასამდე. გასათვალისწინებელია ისიც, რომ ჩვენ მანამდე ვატარებდით დღეში 10-13 ათას ტესტს, ახლა ტარდება დაახლოებით 20 ათასი ტესტი. ეს ნიშნავს, რომ გვაქვს გარკვეული სტაბილიზაცია. უნდა ვეცადოთ, ეს რიცხვი შევინარჩუნოთ და შემდეგ თანდათან შევამციროთ ის“, – განაცხადა ამირან გამყრელიძემ.
მისი თქმით, თუ მოსახლეობას სურს, საახალწლოდ შემზღუდავი ღონისძიებები შემსუბუქდეს, უნდა დაიცვას წესები.
“ის რაც შავ პარასკევს მოხდა, არ უნდა განმეორდეს და ეს შედეგი, რაც გვაქვს, წყალში არ უნდა გადავყაროთ. უნდა ვიყოთ ძლიან ფრთხილად” – განაცხადა გამყრელიძემ.
კომენტარები
0 კომენტარები
