ჟურნალისტი გოჩა მირცხულავა, ქვეყნის მასშტაბით გამოცხადებულ ევაკუაციაზე წერს:
“შინაგან საქმეთა სამინისტრო / Ministry of Internal Affairs of Georgia ცრუ განგაშებზე, ბომბებზე და მუქარის შემცველ წერილებზე ვინმე გააკეთებს განმარტებას? ნახევარი ქვეყანა პარალიზებული იყო და არის ახლაც (ისთ პოინთი) და არაფერი, არ ვიმჩნევთ თუ როგორაა საქმე? თუ გაკეთდა განმარტებები და, მე რამე გამომჩა – виноват братцы. ჰაკერული პონტები კიდევ ცალკე….”
შეგახსენებთ, დღეს, მთელი დღის განმავლობაში ცრუ განგაში იყო “ბრიტანულ-ქართულ აკადემიაში”, სკოლა “ლოგოსში”, კასპის იუსტიციის სახლში, ახალციხის, ზუგდიდის, სენაკის, ბათუმის, თელავის, გურჯაანისა და მცხეთის სასამართლოებში, თბილისის საქალაქო, უზენაეს და სააპელაციო სასამართლოებში, ასევე ქუთაისის საქალაქო სასამართლოში, სადაც ნაღმის არსებობის შესახებ შეტყობინებები შევიდა. ყველა ზემოთ ჩამოთვლილი შენობებიდან მოქალაქეების ევაკუაცია განხორციელდა. ზოგ მათგანში ბომბი ვერ იპოვეს, ზოგში კი ძებნა ამ დრომდე მიმდინარეობს.