“როგორ ვჩერდებით სახლში, როგორ ვეგუებით, რომ მთელი მსოფლიო გვიყურებს, როგორც რუსეთის გუბერნიას” – ამის შესახებ ჟურნალისტი მაია სტეფნაძე წერს.
“ეხლა “გაქცევა შაუშენკიდან” ვნახე ალბათ მეასედ და უცებ წავაწყდი პასუხს კითხვაზე, რაც ყველას გვაწუხებს – როგორ ვჩერდებით სახლებში, რატომ არ ვაწყობთ პერმანენტულ უწყვეტ აქციებს, როგორ
ვეგუებით, რომ მთელი მსოფლიო გვიყურებს როგორც რუსეთის გუბერნიას, ვეგუებით როგორ გვამცირებს და გვჭრის თავს მთავრობა. პასუხი ამ ფილმში
ვიპოვე. ჩვენ ციხის ადამიანები ვართ! დავიბადეთ და გავიზარდეთ რუსულ ციხეში. კი გვახრჩობს ეს გარემო,
აქაიქ პროტესტიც გვიჩნდება, ვიბრძვით კიდეც, მაგრამ ჩვენ ციხის ადამიანები ვართ! სხვა არაფერი გვინახავს და თავებსაც არ ვუტყდებით, რომ სინამდვილეში გვაშინებს ამ კედლების ჩამონგრევა და რეალური თავისუფლების მიღება! დიდხანს რომ ხარ ციხეში, მერე მასზე დამოკიდებული ხდები და ესაა ჩვენი პრობლემა. ჩვენ ციხის ადამიანები ვართ!”.
