მშობლების აქცია-პერფორმანსი თბილისის 31-ე საჯარო სკოლის მიმდებარედ – აქციის მონაწილეები სკოლამდე მისასვლელი გზებზე ბავშვების უსაფრთხო გადაადგილებისთვის საჭირო ინფრასტრუქტურის მოწყობას ითხოვენ.
“გადაწყვეტილების მიმღებმა პირებმა აუცილებლად, ყველანაირი ეს ბიუროკრატიული წესები იქნება,
თუ არ ვიცი მე, რაც აფერხებს ამ ყველაფერს უნდა დააჩქარონ. როცა საქმე ეხება სკოლას, ბავშვთა უსაფრთხოებას და მათ სიცოცხლეს, ჯანმრთელობას, იქ უკვე აღარ უნდა იყოს გაწელილი ვადები და გაწელილი დრო”, – ამბობს ერთ-ერთი მშობელი.
მათივე თქმით, დედაქალაქის მასშტაბით ძალიან ბევრი სკოლა გზის სავალ ნაწილთან ახლოს მდებარობს. ამიტომაც ბავშვების უსაფრთხოება საგზაო ნიშნებით უნდა რეგულირდებოდეს.