გლობალური დათბობა შავ ზღვაში მრავალი სახეობის გადაშენებას გამოიწვევს და ამ პროცესის შეჩერება შეუძლებელია. ეს პროგნოზი თურქმა გეოლოგმა დოქტორმა ოსმან ბექთაშმა გააჟღერა.
მან აღნიშნა, რომ შავი ზღვა შედგება სამი ფენისგან: ქვედა ფენა, რომელიც შეიცავს მომწამვლელ გაზებს, შუალედური ფენა, რომელიც მოქმედებს როგორც კონდიციონერი, რომლის ტემპერატურაა დაახლოებით რვა გრადუსი ცელსიუსით და ზედა ფენა მდიდარია ჟანგბადით და საზღვაო ცხოველებით.
ამავდროულად, გლობალური დათბობის გამო, შუა ფენამ დაიწყო გათხელება და ბექთაში აცხადებს, რომ მომავალში ქვედა შრის მომწამვლელი აირები ზედა ფენას შეერევა, რაც ყველა ცოცხალი არსების სიკვდილს გამოიწვევს. ის აღნიშნავს, რომ ამ ვითარების შეჩერება და შეცვლა შეუძლებელია.
როგორც მეცნიერები აცხადებენ, გლობალური დათბობა საფრთხეს უქმნის ადამიანების სიცოცხლესაც. ექსეტერის უნივერსიტეტის მეცნიერთა უახლესი მონაცემებით, საუკუნის ბოლოსთვის დედამიწის ზედაპირის ტემპერატურა 2,7°C-ით მოიმატებს, რის გამოც მსოფლიოს მოსახლეობის 20%-ს სასიკვდილო საფრთხე ემუქრება.
წყარო: unian.net