აჭარის ა/რ სოფლის მეურნეობის სამინისტრო სამწუხარო ინფორმაციას ავრცელებს

აჭარის ა/რ სოფლის მეურნეობის სამინისტრო სამწუხარო ინფორმაციას ავრცელებს:

“აჭარის ა.რ. სოფლის მეურნეობის სამინისტროს აგროსერვის ცენტრი მწუხარებას გამოთქვამს და თანაუგრძნობს ნუგზარ ოქროპირიძის ოჯახს მისი გარდაცვალების გამო.
☑️ ბატონი ნუგზარი 2013 წლიდან აჭარის ა.რ. სოფლის მეურნეობის სამინისტროს აგროსერვის ცერნტრში იკავებდა სხვადასხვა წამყვან პოზიციას.
☑️ ბატონი ნუგზარის საქმიანობას უკავშირდება ჩაქვის ციტრუსოვანთა და გვარა-ხუცუბნის ვაზისა და ხეხილის სანერგე მეურნეობების დაგეგმარება და მოწყობა.
☑️ ნუგზარ ოქროპირიძე აქტიურად მონაწილეობდა სასოფლო-სამეურნეო დარგების პოპულარიზაციასა და განვითარებაში: მეციტრუსეობა, მეხილეობა, მევენახეობა, მებოსტნეობა, მეფუტკრეობა.
ეს არის მცირე ჩამონათვალი სოფლის მეურნეობის დარგებისა, რომელთა განვითარებისთვის ნუგზარ ოქროპირიძე დაუღალავად შრომობდა აგროსერვის ცენტრის თანამშრომლებთან ერთად.
☑️ სიამაყით ავღნიშნავთ, რომ ნუგზარ ოქროპირიძეს უდიდესი წვილი მიუძღვის სოფლის მეურნეობის განვითარების საქმეში.
☑️ ბატონი ნუგზარ ოქროპირიძე კვალიფიკაციით გახლდათ :
სწავლული აგრონომი, სასოფლო–სამეურნეო წარმოების ეკონომისტ– ორგანიზატორი, ზოოტექნიკოსი, სოფლის მეურნეობის მეცნიერებათა აკადემიური დოქტორი”