დომენიკ მანგო სოციალურ ქსელში სტატუსს აქვეყნებს და წერს:
“დღეს გზის პირას რომელიღაც სოფელში ღორის მოჭრილი თავი დავინახე, ხორცის გასაყიდად ჰქონდათ გამოდებული, ყურადღებას იქცევდნენ. ისე შემეშინდა თვალი რომ მოვკარი, მთელმა ადამიანურმა სისაზიზღრეებმა ერთდროულად გამირბინა თვალწინ. ისეთი საშინელება იყო გაზაფხულის სიმწვანეში ამ ნაცრისფერი ღორის თავის დანახვა, ისეთი შემზარავი იყო მოულოდნელად. მიუხედავად იმისა, რომ ხორცს თითქმის აღარ ვჭამ, ჩემი თავიც კი შემძულდა იმ მომენტში, რომ ადამიანი მქვია. თვალებიდან ახლაც არ ამომდის ის ღორის თავი და ამ წუთამდე ჯერ კიდევ იმაზე ვფიქრობ, თუ რა სასტიკი მტაცებელია ადამიანი, თანაც უძღები კუჭით”.