კიტრის მწნილის სარგებელი ორგანიზმისთვის
ჩვენი ორგანიზმი საინტერესოდაა მოწყობილი. თუ ორგანიზმს რაიმეს ნაკლებობა აქვს, ის მისკენ ისწრაფვის. განუსაზღვრელი ძალა ყოველგვარ სხვა სურვილს ფარავს. ღამის სამ საათზე მჟავე კიტრს გემრიელად ვახრამუნებთ, მაგრამ ეს როგორ ხდება? სიმჟავისადმი მოთხოვნილება 3-4 დღის შემდეგაც კი რატომ არ გადაივლის? ამ ფორმით ორგანიზმი მნიშვნელოვანი მაკრო თუ მიკროელემენტების ნაკლებობას გატყობინებთ. მჟავე კიტრთან მიმართებაში მთავარია ნატრიუმი, უმნიშვნელოვანესი ელემენტი, რომელიც კუნთებისა და ნერვული ქსოვილის მუშაობაში მონაწილეობს. მოზარდისთვის დღიური ნორმის 25%-ს მხოლოდ და მხოლოდ 2 ცალი კიტრი შეადგენს.
მიუხედავად იმისა, რომ კიტრის მწნილში ბევრი მარილია, ფერმენტაციის გამო ნაწლავებისთვის სასარგებლო ფლორას შეიცავენ. ასევე K ვიტამინის შემცველობას ზრდის, რაც იმ ადამიანებისთვისაა სასარგებლო, რომლებსაც სისხლის შედედებისა და ძვლების მყიფეობის პრობლემა აქვთ. კიტრის მწნილი ასევე მდიდარია კალციუმითა და კალიუმით.
არ უნდა დავივიწყოთ, თირკმლის კენჭოვანი და სხვა დაავადებების დროს ამ პროდუქტის მიღება ეკრძალებათ. თუ ეს თქვენ გეხებათ, ჯობია თავი შეიკავოთ ამ პროდუქტის მიღებისგან, განსაკუთრებით ზედმეტი მოხმარებისგან.
მრავალრიცხოვანი სამკურნალო დიეტები და გასახდომი დიეტები მარილიანი პროდუქტების მიღებას გამორიცხავენ. განსაკუთრებით დედისგან და ბებიისგან მარილის მოხმარების ჩვეულება თუ გადმოგვეცა მომზადებისას, მაშინ ყოველდღიურად მენიუში ჭარბად შევხვდებით.
მაგრამ, აი, რა ხდება, თუ მარილი ძალიან ცოტაა: ნატრიუმი ჩვენი სხეულის ქსოვილების საშუალებით წყლის შეწოვაში დიდ როლს თამაშობს. მისი უკმარისობის დროს წყალი სათანადოდ არ შეიწოვება. შედეგად გაუწყლოებას ვიღებთ, რომელიც უფრო მეტად საშიშია, ვიდრე შეშუპება, უძილობა, თავის ტკივილი, გაღიზიანებადობა, თვალის სიმშრალე. თუ თქვენ მჟავე კიტრის მირთმევის დიდი სურვილი გაქვთ, საუკეთესო დროა მარილის მარაგის შესავსებად.
თუ ჯანმრთელობასთან დაკავშირებით რაიმე პრობლემა არ გაქვთ, თავისუფლად შეგიძლიათ ეს პროდუქტი მიირთვათ. მჟავეულობა დიდად არ მიყვარდა, მაგრამ ბოლო დროს ახლობლებისგან დიდი სიამოვნებით ვიღებ და ზამთრისთვის კონსერვებს იშვიათად ვხუფავ. გუშინდელი მაკარონი ან ცივი წიწიბურაც კი მჟავე კიტრთან ერთად უფრო გემრიელია.
წყარო – gemrielia.ge