ნიგოზი ნოყიერი და კალორიული პროდუქტია და ადამიანს ძალების აღდგენაში ეხმარება. ექიმები მის მიღებას ხშირად ურჩევენ პაციენტებს ათეროსკლეროზის პროფილაქტიკისთვის, წონის კარგვის, მაღალი ფიზიკური და გონებრივი დატვირთვის დროს, ასევე მძიმე ავადმყოფობის შემდეგ ან სისხლის მიმოქცევის დარღვევების დროს.
ნიგოზი შეიცავს A, B1, В12, В2, С, В15, К, РР, Е, ვიტამინებს, ფიტონციდებს, ეთერზეთებს, მთრიმლავ ნივთიერებებს. იგი ასევე შეიცავს მინერალებს: ფოსფორს, კალიუმს, რკინას, თუთიას, მაგნიუმს.
ამ პროდუქტს ძალიან აფასებდა ავიცენა და ხშირად იყენებდა სამკურნალოდ სხვადასხვა დაავადებების დროს. პირველ რიგში, ნიგოზში შემავალი ამინომჟავები კარგად მოქმედებს კუნთოვანი სისტემის ჩამოყალიბებაზე. სასარგებლოა ძვლებისთვის, გულისთვის, თმისა და კანის სილამაზისთვის. ექიმების აზრით, დღეში 3-5 ნიგოზი საკმარისია, რომ ორგანიზმის მდგრადობა მომატებული რადიაციის მიმართ გაიზარდოს.
ჰიპოკრატე თავის პაციენტებს ურჩევდა ნიგვზის მიღებას გულის, ტვინის, კუჭის, თირკმელების და ღვიძლის დაავადებების დროს.
ნიგვზის რეგულარული მიღება შესამჩნევად აუმჯობესებს მეხსიერებას. ამ პროდუქტს ხშირად ტვინის დღესასწაულსაც კი უწოდებენ.
ორგანიზმი ნიგვზიდან იღებს იოდის მარაგს. მას აგრეთვე აქვს პარაზიტების საწინააღმდეგო მოქმედება. ნიგოზი შეიცავს მაგნეზიუმს, ამიტომ დამაშვიდებლად მოქმედებს ნერვულ სისტემაზე.
წყარო – gemrielia.ge
