კლინიკა „ბაუში“ კორონავირუსით ექიმი გარდაიცვალა. 49 წლის ირმა სირაძე კლინიკაში 10 ნოემბერს საკარანტინო სივრციდან გადაიყვანეს. როგორც საავადმყოფოს კლინიკური მენეჯერი მიხეილ მჟავანაძე აცხადებს, მას თანმდევი დაავადებები არ ჰქონდა და კლინიკაში ფილტვის 16-18 ქულიანი დაზიანებით შეიყვანეს.
„მდგომარეობა დამძიმდა მკურნალობის მიუხედავად. ჩართული იყვნენ საქართველოს მასშტაბით სპეციალისტები, გაგვიწიეს დახმარება. მაგრამ მდგომარეობა არ გაუმჯობესდა. ვერ მივაღწიეთ სტაბილურ მდგომარეობას და სამწუხაროდ დაიღუპა. კოვიდით გამოწვეული გართულებებით გარდაიცვალა“, – აცხადებს მიხეილ მჟავნაძე.
შეგახსენებთ, აჭარაში კორონავირუსით სამედიცინო სფეროს მეშვიდე წარმომადგენელი გარდაიცვალა.