“ამ ეტაპზე სათქმელი მეტი არაფერი მაქვს” – ტვ “პალიტრაზე” გადაცემა “ნიუსრუმი” დაიხურა

ჟურნალისტი კოკა კვირკველიას განცხადებით, “ტვ პალიტრაზე” პოლიტიკური გადაცემა “ნიუსრუმი” დაიხურა.

“ასე და ამგვარად, ეს დღეც დადგა, ოღონდ სიურპრიზად გავიგე ახლახან. პოლიტიკური გადაცემა ნიუსრუმი, რომელსაც აგერ 5 წელია ვაკეთებ და ვფიქრობ, არც თუ ისე უხარისხოდ, ეთერში არ გავა. მადლობა ყველა ჩემს კოლეგას, პროდიუსერებს, კამერამენებს და ტექნიკურ მხარდამჭერებს, ვინც ამ გადაცემაზე ვმუშაობდით. რა თქმა უნდა, მადლობა ჩემს სტუმრებს, რომლებთანაც ბევრი საინტერესო ეთერი მქონია. ამ ეტაპზე სათქმელი მეტი არაფერი მაქვს” – აღნიშნა კოკა კვირკველიამ.