კახი კავსაძის ძმამ კორონავირუსი დაამარცხა. 83 წლის იმერი კავსაძემ მკურნალობის კურსი სახლში გაიარა. „სამყაროს შევუერთდი, მარაქაში გავერიე. ძალიან ვაჟკაცურად დავამარცხე. ჩემ მეუღლეს ცოტა გაუჭირდა, მაგრამ კოვიდ-19-ის დამარცხება, მანაც მოახერხა.
კახიც კარგად არის. შეიძლება დღეს, შეიძლება ხვალ რეანიმაციიდან პალატაში გადაიყვანენ და მერე, ალბათ, ყველაფერი იოლად წავა.
გუშინწინ კახის შვილი, ირაკლი ქალიშვილთან ერთად, ამერიკიდან ჩამოვიდა და კარანტინშია, გარიყულები არიან. ათ დღეს იქ დაჰყოფენ. კახიმ ჯერ ეს არ იცის. როდესაც სრულად გამოჯანმრთელდება და გაეწერება, მერე ნახავენ ირაკლი და ირინა. სჯობს, რომ ეს ჯერ არ იცოდეს, რომ ემოციურად არ აღიგზნოს”, – განუცხადა „პრაიმტაიმს“ იმერი კავსაძემ.