რკინა მნიშვნელოვან როლს ასრულებს თმის ზრდასა და მისი ჯანმრთელობის შენარჩუნებაში.
დერმატოლოგების განმარტებით, რკინა ნამდვილად მნიშვნელოვანია თმის ზრდისა და თმის ჯანმრთელობისთვის.
რკინის დეფიციტმა შეიძლება გამოიწვიოს თმის ცვენა. რკინა ეხმარება ორგანიზმს ჰემოგლობინის გამომუშავებაში. ის ჟანგბადით ამარაგებს სხეულის უჯრედებს, ხელს უწყობს მათ ზრდასა და აღდგენას. ეს მოიცავს სხეულის უჯრედებს, რომლებიც ხელს უწყობენ თმის ზრდას.
პირებს, რომელთაც რკინა დაბალი აქვთ, თმის ცვენა შეიძლება იყოს პირველი ნიშანი, რასაც პაციენტები ამჩნევენ.
ზოგიერთ ადამიანს უფრო მეტად აწუხებს რკინით გამოწვეული თმის ცვენა.
მათ შორის:
პირებს, რომლებიც თავს არიდებენ წითელ ხორცს, რომელიც რკინის საუკეთესო წყაროა.
ადამიანებს, რომლებიც იცავენ ვეგეტარიანულ/ვეგანურ დიეტას – მათ, ვინც ვეგეტარიანელია ან ვეგანია, შეუძლიათ ხორცი ჩაანაცვლონ საკვებით, რომელიც რკინის კარგი წყაროა. შეგიძლიათ მიირთვათ ლობიო, ისპანახი და ფოთლოვანი ბოსტნეული, როგორც რკინის წყარო, თუმცა, მცენარეული წარმოშობის რკინა ბოლომდე არ შეიწოვება.
ასევე დარწმუნდეთ, რომ თქვენი რაციონი შეიცავს C ვიტამინის შემცველ საკვებს, რადგან ეს ვიტამინი ხელს უწყობს რკინის სრულად ათვისებას.
ადამიანები, რომლებიც ინტენსიურად ვარჯიშობენ – აქედან გამომდინარე, ინტენსიური ვარჯიშისას დიდი ყურადრება უნდა მიაქციოთ რაციონს, რათა ორგანიზმმა შეძლოს დანაკარგების აღდგენა და ყველა მნიშვნელოვანი ვიტამინისა თუ მინერალის მიღება.
თუ თქვენ გაქვთ თმის ცვენა და ფიქრობთ, რომ ეს შეიძლება იყოს რკინის დეფიციტის გამო, უმჯობესია კონსულტაცია გაიაროთ ექიმთან. სისხლის ანალიზს შეუძლია განსაზღვროს, გაქვთ თუ არა რკინის დაბალი დონე. ექიმი დაგეხმარებათ თმის ცვენის გამომწვევი ზუსტი მიზეზის დადგენაში და მკურნალობის გეგმის შერჩევაში.
გარდა დანამატების მიღებისა (ექიმის რეკომენდაციით) და დიეტის შეცვლისა, შეგიძლიათ გამოიყენოთ ისეთი პროდუქტები, რომლებიც ხელს უწყობს თმის ზრდას.
ჯანსაღმა კვებამ, რკინით მდიდარმა საკვებმა ან რკინის დანამატების მიღებამ შეიძლება გამოასწოროს დეფიციტი და ხელი შეუწყოს თმის ხელახალ ზრდას.
წყარო: მკურნალი