გურჯაანის სოფელ ვაზისუბანში 32 წლის მამაკაცი 39 წლის მეზობელმა მოკლა
ადგილობრივების ცნობით, შემთხვევა სავარგულებში მოხდა. არსებული ინფორმაციით, გარდაცვლილს ჭრილობები სანადირო თოფით აქვს მიყენებული.
შინაგან საქმეთა სამინისტროს ინფორმაციით, კახეთში მომხდარი მკვლელობის საქნეზე განზრახ მკვლელობის ბრალდებით ერთი პირი დააკავეს.
უწყების ცნობით, ბრალდებულმა გურჯაანის მუნიციპალიტეტის ერთ-ერთ სოფელში, წარსულში მომხდარი კონფლიქტის ნიადაგზე, თანასოფლელი – 1991 წელს დაბადებულ თ.მ. სანადირო თოფიდან გასროლით სასიკვდილოდ დაჭრა.
სამართალდამცველებმა დანაშაულის ჩადენის იარაღი – სანადირო თოფი ნივთმტკიცების სახით ამოიღეს.
განზრახ მკვლელობის საქმეზე გამოძიება საქართველოს სისხლის სამართლის კოდექსის 108-ე მუხლით მიმდინარეობს. დანაშაული 10-15 წლამდე პატიმრობას ითვალისწინებს.