დალიეთ წყალი
ცნობილია, რომ მეტი წყლის დალევას ჯანმრთელობის სარგებელს მოაქვს. ის გეხმარებათ ნორმალური ტემპერატურის შენარჩუნებაში, ატენიანებს და ამაგრებს სახსრებს, იცავს ზურგის ტვინს და სხვა მგრძნობიარე ქსოვილებს, ათავისუფლებს ორგანიზმს ტოქსინებისგან.
იმის გამო, რომ თქვენი წონის 50-დან 75%-მდე წყალია, წყლის დალევა აუცილებელია იმისათვის, რომ თქვენმა ორგანიზმმა მაქსიმალურად იმუშაოს და დატენიანდეს.
შეცვალეთ სხვა გაზიანი სასმლები მინერალური წყლით
კვლევა ვარაუდობს, რომ ტვინი რეაგირებს ხელოვნურ დამატკბობლებზე, ისევე, როგორც ტკბილეულზე.
იარეთ 10 წუთი ფეხით
10 წუთიანი სიარულიც კი დაგეხმარებათ გულ-სისხლძარღვთა ჯანმრთელობის გაუმჯობესებაში.
ეცადეთ დასხდეთ გამართულად
კარგი პოზიცია ხელს უშლის ზურგის ტკივილს, დაღლილობას და კუნთების ტკივილს.
ეცადეთ დაიძინოთ დროულად
აუცილებელია შვიდი ან რვა საათი ძილი. ძილი არა მხოლოდ მოგცემთ მეტ ენერგიას, ის ასევე დაგეხმარებათ ჯანსაღი კვების მიზნების მიღწევაში. როდესაც ძილის ნაკლებობა გაქვთ, ეს ამცირებს თქვენს ორგანიზმში ჰორმონების გამომუშავებას, რომლებიც თრგუნავენ მადას, რაც ხელს უწყობს წონის მატებას. შეიძლება გქონდეთ გულის დაავადების, სიმსუქნის და მაღალი წნევის რისკი, თუ ასევე გაწუხებთ არანამკურნალევი უძილობა ან ძილის აპნოე.
თუ თავს განსაკუთრებით დაღლილად გრძნობთ, შეეცადეთ შუადღეს დაიძინოთ. თუმცა, არ გადააჭარბოთ. შეზღუდეთ ძილი 30 წუთამდე, რათა არ დაიძინოთ იმაზე გვიან, ვიდრე საჭიროა.
ჩართეთ წონასწორობის ვარჯიშები რუტინაში
ეცადეთ შეინარჩუნოთ ბალანსი ერთ ფეხზე 10 წამის განმავლობაში, შემდეგ გადადით მეორე ფეხზე. ეს არის ნეირომოტორული ვარჯიშის ნაწილი, რომელიც გეხმარებათ გააუმჯობესოთ წონასწორობა, სისწრაფე და მობილურობა.
დაიწყეთ დღე ჯანსაღი საუზმით
მიირთვით მაღალბოჭკოვანი საკვები, რომელიც შეიცავს პროტეინს, რომ იყოთ ენერგიული. თუ დღეს სწორად დაიწყებთ, ზოგადად უკეთესად იკვებებით მთელი დღის განმავლობაში.
რაციონში ჩართეთ სალათის ფოთოლი
ჩართეთ სალათის ფოთოლი თქვენს კვებაში, რათა დაამატოთ საკვები ნივთიერებები და წყალი თქვენს დიეტაში. მუქი მწვანე და მოწითალო ფერის სალათის ფურცლები გამოირჩევა მკვებავი თვისებებით, მაგრამ აისბერგის სალათის ფურცელიც კი უზრუნველყოფს წყალს, ბოჭკოებს და ფოლატს.
ჩაანაცვლეთ არაჯანსაღი საკვები სხვა საკვებით
ამოიღეთ მაღალკალორიული საკვები რაციონიდან. სცადეთ გამოიყენოთ უცხიმო რძის პროდუქტები, მთელი მარცვლეული, ჯანსაღი ზეთები, როგორიცაა ავოკადო და ზეითუნის ზეთი და ბუნებრივი დამატკბობლები, როგორიცაა ხილი, ცხიმიანი ან შაქრიანი ალტერნატივების ნაცვლად.
წყარო – mkurnali.ge