კირჩხიბი
ამ სიაში პირველ ადგილს კირჩხიბები იკავებენ. ძალიან უჭირთ კრიტიკის მოსმენა, მათში მუდამ ცხოვრობს პატარა ბავშვი, რომელიც განებივრებასა და ყურადღებას ითხოვს. კირჩხიბები საოცრად ემოციური ადამიანები არიან, სხვების გასაჭირი გულთან მიაქვთ და ზოგჯერ სრულიად არასაჭირო რაღაცებზეც ნერვიულობენ, თუმცა ეს მათი ხასიათის ნაწილია და მათ შეცვლას ან გადაკეთებას არ უნდა ეცადოთ.
თევზები
თევზები ყველაზე რომანტიკულ და მგრძნობიარე ნიშნად ითვლებიან. ვერ ეგუებიან უსამართლობასა და ღალატს. საკმაოდ ჭკვიანი ადაიანები არიან და ზუსტად იციან, როდის უნდა იყვნენ სუსტები და როდის – ძლიერები. დეტალებს განსაკუთრებულ ყურადღებას აქცევენ. მაგალითად, თუ მის შეტყობინებას არ უპასუხებთ ან კიდევ პაემანზე წასვლა დაგავიწყდებათ, უყურადღებოდ დატოვებთ, ზუსტად იცოდეთ, რომ პერსონა ნონ გრატად გამოგაცხადებენ და მათ ცხოვრებაში თქვენი ადგილი აღარ იქნება.
მორიელი
მორიელები ყველაფრიდან მაქსიმალურის მიღებას ცდილობენ და მათთვის უარყოფა ძალიან დიდი დარტყმაა. უზარმაზარი შემოქმედებითი პოტენციალი აქვთ და საოცარი სიყვარული შეუძლიათ, მაგრამ თუ მათ გრძნობებში ეჭვი შეგეპარებათ ან კიდევ მხარს არ დაუჭერთ, ძალიან განაწყენდებიან. მორიელები ხშირად ადამიანების გადაკეთებას ცდილობენ და უნდათ ისინი, თავიანთი შეხედულებისამებრ მოიქცნენ, თუმცა როცა ეს არ გამოსდით, კონფლიქტიც იწყება.
თხის რქა
თხის რქები ხშირად არიან მიდრეკილნი ნეგატიური აზროვნებისკენ, როცა ეჩვენებათ, რომ არასწორ დროსა და უადგილო ადგილას მოხვდნენ. ზოგჯერ საკუთარ თავში ეჭვი ეპარებათ და სხვების შექება სჭირდებათ. თუმცა, აქაც ბალანსი უნდა დაიცვათ. თუ თხის რქას არ აქებენ, ძალიან სწყინს, მაგრამ თუ ზედმეტად აქებთ, ეჭვი უჩნდება, რომ რაღაც გსურთ, არაგულწრფელი ხართ და ამის გამო ასევე რისხვას დაიმსახურებთ.
ლომი
ამ ნიშნის წარმომადგენლებს ყურადღების ცენტრში ყოფნა უყვართ და ეს ბავშვობიდან ვლინდება. თუმცა, ზოგჯერ ეჩვენებათ, რომ ყველა ადამიანმა კვარცხლბეკზე უნდა აიყვანოს და მუდმივად აქოს, რაც ასე არ ხდება ხოლმე და საშინელ იმედგაცრუებასა და ბრაზს განიცდიან. მეორე უკიდურესობა ისაა, რომ ლომი კეთილგანწყობისა და შექების დამსახურების მიზნით, ზედმეტად ცდილობს, სხვა ადამიანებს ასიამოვნოს. მაგრამ, თუ შედეგი არ ამართლებს, თავს ცუდად გრძნობენ და განიცდიან.
წყარო – “ბომონდი”