უკრაინაში კიდევ ერთი ქართველი მებრძოლი დაიღუპა – სამწუხარო ინფორმაციას „გურია თუდეი“ ავრცელებს.
„ლანჩხუთური ფესვების მქონე გიორგი გორელიშვილი რუს ოკუპანტებთან ბრძოლაში დაიღუპა. იგი ქალაქ ოდესაში ცხოვრობდა და უკრაინაში რუსების შეჭრის პირველი დღიდანვე იცავდა თავის მეორე სამშობლოს.
გიორგი ხშირად სტუმრობდა ლანჩხუთს, სოფელ მაჩხვარეთში ჰყავს ნათესავები. მისი მამა ნუგზარ გორელიშვილი აფხაზეთში საქართველოს ერთიანობისთვის იბრძოდა“ – წერია „გურია თუდეის“ ინფორმაციაში