აბაშის მუნიციპალიტეტის სოფელ სუჯუნასა და ზანათში, მდინარე რიონის ადიდების შედეგად, რამდენიმე ოჯახის საკარმიდამო ნაკვეთი და საცხოვრებელი სახლების ნაწილი დაიტბორა.
ადგილობრივი ხელისუფლების გადაწყვეტილებით, შვიდი ოჯახი, პრობლემის მოგვარებამდე, უსაფრთხო ადგილას გადაიყვანეს. მუნიციპალურმა სამსახურებმა მძიმე ტექნიკით, პირუტყვი საძოვრებიდან გამოიყვანეს.
24 საათიან რეჟიმში მუშაობენ აბაშის მუნიციპალიტეტის შესაბამისი სამსახურები. ადგილობრივი ხელისუფლება მოსახლეობასთან მუდმივ კონტაქტზეა.