ჟურნალისტი ვახო სანაია ლევან ბერძენიშვილის გარშემო განვითარებულ მოვლენებს ეხმაურება და წერს:
“ხელისუფლებას ეშინია ლევან ბერძენიშვილის.
ხელისუფლებას ეშინია ლევან ბერძენიშვილის სატელევიზიო გამოსვლების.
ხელისუფლებას ეშინია ლევან ბერძენიშვილის ლექციების აუდიტორიებში.
ხელისუფლებას ეშინია ლევან ბერძენიშვილის ლექციების, რომელიც ინტერნეტში იტვირთება.
და, რაც ყველაზე მთავარია, ხელისუფლებას ეშინია ლევან ბერძენიშვილის სტუდენტების, რომელთა შორის მე ერთსაც არ ვიცნობ ჩრდილოეთისკენ მომზირალს.
ხელისუფლება გვიან მიხვდა, რომ საქართველოს ბედი სხვაგან წყდება, მათ შორის, აუდიტორიებში და არა ,,იმედის” ან ,,პოსტივის” ეთერში. წყდება არა პროპაგანდით, არა ფულით, არა ტყუილით, არა თავსმოხვევით, არამედ თავისუფალი აზროვნებით.
ხელისუფლებას ეშინია თავისუფალი სიტყვის, თავისუფალი აზრის.
და სწორადაც ეშინია.
რა უბადრუკია მისი მცდელობა, ქუჩაში დაახვედროს ან სახლთან მიუგზავნოს დაქირავებული და გაუბედურებული ზონდერები მას, ვისაც სიტყვით ვერ აჯობებს.
დიდ შიშს ამოიკითხავთ დღეს დილით ბიძინა ივანიშვილის მიერ გამოქვეყნებულ წერილში. როგორც ჩანს, ზუსტად მოხვდა მიზანს რამდენიმე დღის წინ ეკა კვესიტაძის გადაცემაში ნათქვამი სიტყვები.
როგორც მარტში ეგონათ, რომ არაფერსაც არ იზამდა საზოგადოება, განსაკუთრებით ახალგაზრდობა, მიატოვებდა იმ ადამიანებს, რომელთაც მერე რუსული კანონით სათითაოდ გაანადგურებდნენ, ეგრე ცდებიან კიდევ ბევრ რამეში.
Levan Berdzenishvili თუმცა მარტოც ეყოფით ამ და კიდევ ბევრ ხელისუფლებას, როგორც ყველა ადრინდელს, მაგრამ მაინც გვიგულეთ თქვენ გვერდით <3” , - წერს სანაია.ცნობისთვის, დღეს, 15 მაისს, ლევან ბერძენიშვილის საცხოვრებელ სახლთან 15-20 ნიღბიანი პირი იყო მობილიზებული.