ლომი
ვენერა, ფაქტობრივად, მთელი ზაფხულის განმავლობაში თქვენს ნიშანს გაჰყვება და საპირისპირო სქესის წარმომადგენლებში ძალიან პოპულარული იქნებით. იგრძნობთ კიდევ უფრო მეტ თავდაჯერებულობას და მიხვდებით, რომ საკუთარ გრძნობებს უნდა გადახედოთ. ვენერას შეუძლია როგორც წარსულში დატოვებულ ურთიერთობასთან დაგაბრუნოთ, ასევე ისეთი ადამიანი გაგაცნოთ, რომელიც ძალიან დიდ ყურადღებასა და სითბოს გაგრძნობინებთ. თამამად შეიძლება ითქვას, რომ სასიყვარულო ურთიერთობების თვალსაზრისით, 2023 წლის ზაფხული თქვენთვის ძალიან მნიშვნელოვანი პერიოდი იქნება.
კურო
პლანეტა ვენერა თქვენს ოჯახურ სექტორში გაივლის. ამიტომაც, მოგიწევთ ოჯახის წევრებთან, მეუღლესთან, პარტნიორთან ურთიერთობას კიდევ ერთხელ გადახედოთ და კომუნიკაცია გააუმჯობესოთ. ასევე, დაინახავთ აუცილებლობას, რომ თქვენს მეუღლესთან ურთიერთობის, ერთად თანაცხოვრების წესებს გადახედოთ და წინა პლანზე წამოსწიოთ ის, რაც ორივესთვის ძალიან მნიშვნელოვანი და ღირებულია.
სასწორი
ვენერა თქვენი სამომავლო გეგმების, ამბიციებისა და ოცნებების სექტორში იქნება. თითქოს , წარსულში დაბრუნდებით და გააანალიზებთ, რა მიმართულებით მიაღწიეთ წარმატებას და რამდენად აისრულეთ საკუთარი ოცნებები. ასტროლოგების თქმით, 2023 წლის ზაფხულზე შეიძლება თქვენი მეგობრებიდან, ნაცნობებიდან ურთიერთობას გადახედოთ და მას სულ სხვა თვალით შეხედოთ, ან კიდევ წარსულში დატოვებულ ურთიერთობას დაუბრუნდეთ. ნებისმიერ შემთხვევაში, თქვენი რჩეული უკვე ნაცნობი ადამიანი გახდება.
ვერძი
პლანეტა ვენერა თქვენი სიხარულისა და ბედნიერების სექტორში იქნება. გადახედავთ იმას, თუ რა გჭირდებათ საკუთარ თავთან ჰარმონიულად ცხოვრებაში და თქვენს ემოციებსა და გრძნობებს კიდევ უფრო მეტად ჩაუღრმავდებით. გაცილებით მეტ თავისუფლებას იგრძნობთ და 2023 წლის ზაფხულზე შესაძლოა, სამუდამოდ დაემშვიდობოთ ტოქსიკურ ურთიერთობას, რომელსაც თქვენთვის ბედნიერება და სიხარული არ მოაქვს.
მერწყული
პლანეტა ვენერა თქვენი ურთიერთობისა და ქორწინების სექტორში იქნება. რაც იმას ნიშნავს, რომ პირად ურთიერთობებში მნიშვნელოვანი ცვლილებების განხორციელება მოგიწევთ. შესაძლოა, აღმოაჩინოთ, რომ საყვარელ ადამიანებს, მეუღლეს სათანადო ყურადღებას არ უთმობთ და ცხოვრების წესი შეცვალოთ, დაგეგმოთ მოგზაურობა, ერთობლივი გასვლა სასეირნოდ, პიკნიკზე. ამავდროულად, შეიძლება, სწორედ ამ ზაფხულს დაინახოთ სრულად, რომ ქორწინებაში დიდი კრიზისი გაქვთ და განქორწინება გადაწყვიტოთ.
წყარო – “ბომონდი”