აჭარის მთავრობის ყოფილი მეთაური ასლან აბაშიძე 80 წლის ასაკში ოფიციალურად მეორედ დაქორწინდა. მანამდე აჭარის ყოფილ ლიდერს რამდენიმეწლიანი ურთიერთობა ჰქონდა მის ყოფილ მზარეულთან, რომლისგანაც ოთხი წლის წინ ვაჟიც შეეძინა.
„პრაიმტაიმს“ აბაშიძეების ოჯახის ახლობელი უყვება, რომ აჭარის ყოფილმა ლიდერმა ცოტა ხნის წინ ანაიდა ოვაკუმიანზე ოფიციალურადაც იქორწინა და წყვილი მცირეწლოვან შვილთან ერთად ამჟამად მოსკოვში ცხოვრობს.
ცნობილია, რომ ანაიდა ოვაკუმიანი აბაშიძემ ჯერ კიდევ ბათუმში გაიცნო. ის ოჯახის მზარეულად მუშაობდა. ასლან აბაშიძის პირველი მეუღლის, მაგული გოგიტიძის გარდაცვალების შემდეგ კი აჭარის ყოფილმა ლიდერმა პირადი მზარეული მოსკოვში წაიყვანა.
ასლან აბაშიძე ამჟამად 81 წლისაა და ოჯახის მეგობრის ცნობით. პირველი ქორწინებიდან მას ორი შვილი – გიორგი და დიანა – ჰყავს.
658 ნახვა
