ფოტოგრაფი, გოგა ჩანადირი რუსეთის მიერ საქართველოს მოქალაქეებისთვის სავიზო რეჟიმის გაუქმებას ეხმაურება და სტატუსს აქვეყნებს:
“დღევანდელი მსოფლიო პოლიტიკის შინაარსის გათვალისწინებით, სახიფათო თამაშია რუსეთის მიერ საქართველოს მოქალაქეებისთვის სავიზო რეჟიმის გაუქმება და პირდაპირი ფრენების აღდგენა.
რაში დასჭირდა რუსეთს ახლა ამ ნაბიჯის გადადგმა?
თვალები გაგვილამაზდა?
გაიყვანოს საოკუპაციო ჯარები ჩვენი ქვეყნიდან და მერე დავიჯერებ კრემლის სურვილს, რომ გულწრფელად უნდა ურთიერთობის მოწესრიგება.
მრჩება შთაბეჭდილება, რომ მზაკვრულ გეგმასთან გვაქვს საქმე“, – წერს ჩანადირი.
შეგახსენებთ, პუტინმა დღეს გამოსცა განკარგულებები, რომლებიც საქართველოსთან სავიზო რეჟიმის გაუქმებას და პირდაპირი ფრენების აღდგენას ითვალისწინებს.