თბილისის მერი, კახა კახალაძე მედიასაშუალებების მიერ რეპერ “მასტერის” დაბლოკვის შესახებ მიღებულ გადაწყვეტილებასა და კლიპის გარშემო ატეხილ აჟიოტას გამოეხმაურა.
მისი თქმით, ადამიანს, რომელსაც განსხვავებული მოსაზრება გააჩნია, მაშინვე არის მცდელობა “რუსეთუმეობის” იარლიყის მოკერებისა.
„აქ სიახლე არაფერია. ჩვენ ხომ ვიცით, რომ თუ გაქვს განსხვავებული მოსაზრება, მაშინვე არის მცდელობა, მოგაკერონ „რუსეთუმეობა“. ეს ადამიანები ხელისუფლებაში ყოფნის დროსაც იმავეს აკეთებდნენ, ახალი არაფერი ხდება. თქვენ რა, არ გახსოვთ, მომღერალს ან რომელიმე ხელოვანს თუ ჰქონდა განსხვავებული მოსაზრება, მოკვეთილი იყო ყველაფრიდან? ხომ არ დაგვავიწყდა ეს რეალობა? დღეს იგივეს აკეთებენ, უბრალოდ ბერკეტები არ აქვთ და რა შესაძლებლობებიც აქვთ, იმას იყენებენ. შეიძლება საკუთარ ტელევიზიაში არ დაპატიჟონ, დააბულინგონ, შეურაცხყოფა მიაყენონ, სახლში მიუცვივდნენ და ასე შემდეგ. ესენი არიან ჩამოყალიბებული ფაშისტები“ – განაცხადა კახა კალაძემ.