გუშინ „ნაპოლი“ საკუთარ მოედანზე ფლორენციის „ფიორენტინას“ დაუპირისპირდა და მეტოქე 1:0 დაამარცხა.
ქართველი ვარსკვლავის, ხვიჩა კვარაცხელიას მიერ გამომუშავებული 11-მეტრიანი ნიგერიელმა ვიქტორ ოსიმენმა გოლად აქცია.
ხვიჩა მოედანზე 46-ე წუთზე, ლოსანოს დაშავების შემდეგ გამოჩნდა.
„დაშავებული ლოზანოს ნაცვლად მისი შემოსვლა ნაპოლის ძრავს ახურებს. გადამწყვეტი პენალტი მოიპოვა დრიბლინგით, როდესაც გონსალესი მოატყუა“ , – წერს Sport Mediaset, რომელმაც ხვიჩა 7 ქულით შეაფასა.
„მოედანზე შევიდა და თამაში შეიცვალა. გამოიმუშავა პენალტი, გამაგიჟებელი ხარისხით“ , – აღნიშნავს Calcionapoli1926. მანაც 7 ქულა დაუწერა კვარაცხელიას.
„შევიდა და უბრალოდ დაიწყო ყველას წინააღმდეგ დრიბლინგი. ზოგჯერ ორმაგი მეურვეობით აფერხებენ, ზოგჯერ ეს საკმარისი არ არის, როგორც მოპოვებული პენალტის შემთხვევაში“ , – Tuttonapoli.
„სპალეტისგან დასასვენებლად სათადარიგო სკამზე დატოვებულს თამაშში ჩართვა მოუწია ლოზანოს ტრავმის გამო. მასში ნაჩვენებია სუფთა კრისტალური კლასის კადრები. ერთ-ერთი ასეთი კლასიდან პენალტი მოიპოვა“ , – Tuttomercatoweb. მან ქართველს 6.5 ქულა დაუწერა.
„შესაძლოა 50%-ით თამაშობს, მაგრამ გამომუშავებული პენალტით ახერხებს გამარჯვებაში წვლილის შეტანას“ , – Eurosport.
„შევიდა და შეცვალა თამაში. როდესაც ლორენცო ვენუტის უტევს, მას ყოველთვის დიდ სირთულეებში აყენებს. გამოიმუშავა პენალტი, რომელიც ოსიმენის გამარჯვების გოლად იქცა“ , – Calciomercato.
შეგახსენებთ, ეს იყო პირველი საშინაო შეხვედრა მას შემდეგ, რაც „ნაპოლიმ“ იტალიის ჩემპიონობა ოფიციალურად გაიფორმა. თამაშის შემდეგ დიეგო მარადონას სახელობით მოედანზე გრანდიოზული ზეიმი გაიმართა. გულშემატკივრებით სავსე იყო სტადიონის მიმდარება ტერიტორიაც.
წყარო: facebook-ჯგუფი „ფეხბურთი გვაერთიანებს“ , worldsport