ამერიკის შეერთებული შტატების საელჩო საქართველოში ხვიჩა კვარაცხელიას გამარჯვებას ეხმაურება. იტალიის კლუბი “ნაპოლი” 33 წლიანი ლოდინის შემდეგ სერია ა-ს ჩემპიონი გუშინ ოფიციალურად გახდა. ეს გუნდის ისტორიაში რიგით მესამე გამარჯვებაა, ქართველი ფეხბურთელი კი კლუბში ყოფნის პირველივე სეზონზე სკუდეტოს მფლობელი გახდა:
“ვუერთდებით საქართველოსა და ნეაპოლში მიმდინარე საყოველთაო დღესასწაულს. საქართველოს მომავალი მართლაც ევროპაშია, სადაც მისი შესაძლებლობები რეალიზდება და ისევე იბრწყინებს მთელი მსოფლიოს დასანახად, როგორც დღეს ქართველი ფეხბურთელი – ხვიჩა კვარაცხელია. გილოცავთ, ეს მხოლოდ დასაწყისია!”.