ყოფილი პარლამენტარი, ხათუნა ხოფერია სოციალურ ქსელში გუშინ გია გაჩეჩილაძის, იგივე უცნობის, მიერ რესპუბლიკის მოედანზე ორგანიზებულ აქციას გამოეხმაურა.
„ეს ჩვენი სამშობლო,
ეს საქართველოა!!!
მადლობა, ღმერთო, რომ ამ ქვეყანაში, ამ ხალის გვერდით, ამ სიყვარულისა და ღირსების, ერთგულებისა და გაუტეხლობის გარემოში ვიცხოვრე და დავბერდი!
მადლობა ჩემო პატრიარქო, რომ რწმენა და ღმერთის სიყვარული გაგვიძლიერე!
მადლობა საქართველოს მოაზროვნე, ამაყ, ღირსებითა და სამშობლოს სიყვარულით ანთებულ, ჭირში გაუტეხელ, ლხინში დაუღალავ ,ჩვენი ქვეყნის მშვიდობის სადარაჯოზე მდგომ მოქალაქეებს!
მადლობა ბიძინას და ორივე ირაკლის სწორი, პრაგმატული, პატრიოტული პოლიტიკისთვის, უბრალოდ, კარგი ქართველობისთვის! მშვიდობისთვის და გაუტეხლობისთვის!
მადლობა, დე, რეზიკო, ერთად, ერთგულებით, ერთმანეთის რწმენით გამოვლილი ქარტეხილებისთვის!
მადლობა ამ აქციის, ამ იმედიანი საღამოს ორგანიზატორებს! მადლობა ზაზა! გია! ირაკლი! ვატო! ია! სოსო, დათო, ვაკა! თქვენ გენაცვალეთ, მაგრებო!
დავბადებულვარ, რომ ვიყო მონა
და საქართველოს მედგას უღელი!
ამ უღლის ტარება არ მოგვიშალოს ღმერთმა! ამ უღლის ტარებისას ერთმანეთის სიყვარულში არ დავღლილიყავით!
გვახსოვდეს, ყველაფერი წარმავალია, მხოლოდ ღმერთი და საქართველოა მარადიული!
საქართველო უპირველეს ყოვლისა! “ , – წერს ის.