ცხოველთა უფლებადამცველი, ტასო ლოსაბერიძე სამწუხარო ინფორმაციას ავრცელებს და წერს, რომ ქათამი, რომელსაც ოპერაცია გაუკეთდა, მოკვდა.
“ჩემმა კოკომ ვერ გადაიტანა პოსტოპერაციული პერიოდი, ვერ მოერია ინფექციას, სამწუხაროდ.
არ მინდოდა დაწერა, იმიტომ რომ ვიცი ესეც საღადაო გახდება ქვის ხანაში ჩარჩენილი ხალხისთვის…
ცოცხალი არსების დახმარება და გადარჩენა ვისთვისაც სასაცილოა, გულით მეცოდება ის ადამიანი, იმიტომ, რომ ემპათიის ქონა დიდი ჯილდოა ცხოვრებაში და მათ არ გააჩნიათ.
არც ერთი წუთი არ მინერვიულია არცერთ კომენტარზე და პოსტზე, მეტიც, ძალიან კარგია, რომ ხალხმა დაინახა, ზოგი ადამიანისთვის ქათმის სიცოცხლეც ღირებული და ძვირფასია.
ჩემთვის ძაღლი, კატა, ძროხა, ღორი, ქათამი, ბატი და ა.შ, ყველა ერთია, ყველა ცოცხალი არსებაა და ნებისმიერის დასახმარებლად წავალ თუ დავჭირდები. იმის გამო, რომ თქვენ ჭამთ მათ, არ გაქვთ უფლება, სხვას დასცინოთ ქათმის გადარჩენის გამო.
არ ვარჩევ ცხოველებს, ნებისიერი არსების სიცოცხლე ღირებულია და არც ერთი წუთი არდავიშურებ ჩემს შესაძლებლობებს მათთვის.
უდიდესი მადლობა კოკოს ვეტერინარს სანდრო ბაღათელიას, რომ შუა ღამეს გაუკეთა ოპერაცია, რადგან მეორე დღეს დაგვიანებული არ ყოფილიყო. სრულიად უფასოდ და საუკეთესოდ, მერეც ყოველ დღე კავშირზე იყო და მასწავლიდა ყველაფერს.
ასევე, მადლობა ვეტერინარული სამედიცინო ცენტრი “VetMed”- ს, სანდროსგან წამოსული პირდაპირ იქ მივედით, რენტგენი გადაუღეს უფასოდ და სანამ ნარკოზიდან არ გამოვიდა, ღამის 3 საათამდე იქ ვიყავით.
მადლობა ბექა მჭედლიძეს და ჯგუფს “ვეგანიზმს”, რომ მომცა საშუალება, მებრძოლა ამ საოცარი არსების სიცოცხლისთვის.
კარგად იყავი ჩემო პატარა მეგობარო” – წერს ლოსაბერიძე