24 აპრილი
ასტროლოგების თქმით, ამ დღეს ადამიანები დამსახურებულ ჯილდოსა და სასიამოვნო სიურპრიზს მიიღებენ და ძალიან დიდ მოტივაციას იგრძნობენ. შესაძლოა, ეს წახალისება, რაიმე ტიპის წარმატება, აღიარება, სიმბოლური დასაჩუქრება, თუნდაც მცირე გამართლება იყოს, რომელიც აუცილებლად მოგიტანთ ბედნიერების შეგრძნებას და მოგცემთ ენერგიას, რომ სამომავლოდ კიდევ უფრო მეტი რამ გააკეთოთ.
25 აპრილი
ეს დღე თვითრეალიზებისა და თქვენი თავის უკეთესად წარმოჩენისთვის იდეალურია, ამიტომაც შანსს ხელიდან ნუ გაუშვებთ. აჩვენეთ სამყაროს საკუთარი პოტენციალი და გათავისუფლდით არსებული შეზღუდვებისაგან. ამ დღეს ყველა შანსი გაქვთ, რომ საკმაოდ თავდაჯერებული და თამამი გადაწყვეტილებები მიიღოთ, გქონდეთ ეფექტური კომუნიკაცია და ყველას დაუმტკიცოთ, რომ თქვენი შესაძლებლობები და უნარები იმაზე მეტია, ვიდრე ეს ერთი შეხედვით ჩანს.
26 აპრილი
ამ დღეს მოგიწევთ, უკვე მოძველებულ ნივთებსა თუ ურთიერთობებს დაემშვიდობოთ. ასტროლოგების თქმით, ნათლად დაინახავთ, რისი ადგილია თქვენს ცხოვრებაში და რა უნდა გაუშვათ სამუდამოდ. ნუ გაეტირებით წარსულს, რადგანაც რაც უფრო დიდხანს გააჩერებთ მას, უფრო მტკივნეული იქნება განშორება.
27 აპრილი
ასტროლოგების თქმით, ამ დღეს ადამიანების ენერგია და შემართება შენელებულია. ამიტომაც, შესაძლოა, იმ საქმეებისათვის, რომლებსაც ჩვეულებრივ ასრულებდით ხოლმე, გაცილებით მეტი დრო დაგჭირდეთ, ვიდრე იქამდე. გარდა ამისა, შეიძლება უმოტივაციობა იგრძნოთ და გარკვეული საკითხების გადაჭრა დაგეზაროთ. ნუ შეგეშინდებათ, ეს მდგომარეობა დიდხანს არ გაგრძელდება და კვლავ იპოვით საჭირო ძალასა და ენერგიას.
28 აპრილი
წინადღის განწყობა ამ დღეზეც გაგრძელდება და შესაძლოა, სევდა, ემოციების მოზღვავება იგრძნოთ, გაგიჩნდეთ ტირილის, მარტო ყოფნის სურვილი და იფიქროთ, რომ ირგვლივ სიცარიელეა. თქვენი მთავარი ამოცანაა, საკუთარი თავი გაამხნეოთ, შეახსენოთ ყველა მიღწევის, წარმატების, მცდელობის, თუნდაც სულ მცირე გამარჯვების შესახებ და ნახავთ, რომ ნელ-ნელა თქვენი განწყობაც უმჯობესდება.
29 აპრილი
ეს დღე საკუთარი ცხოვრების შეფასებისა და გაანალიზებისთვის ძალიან მნიშვნელოვანია. დასხედით და გაიხსენეთ ბოლო თვეების მოვლენები, თქვენი მიზნები, ოცნებები. ცალკე განსაზღვრეთ, რას მიაღწიეთ და რა გაგიჭირდათ და დაფიქრდით იმაზეც, თუ რატომ არ გამოგივიდათ კონკრეტული საქმეები. თუკი ამ დღეს საკუთარ თავს ჩაუღრმავდებით, ჩამოწერთ, სამომავლო გეგმებს და შეაფასებთ წარუმატებლობასაც, სამომავლოდ აუცილებლად შეძლებთ, უფრო ეფექტურად განახორციელოთ თქვენი საქმეები.
30 აპრილი
ამ დღეს ძალიან მნიშვნელოვანია, რომ გადაწყვეტილებების მიღებისას საკუთარ თავსა და შინაგან ხმას მოუსმინოთ და სხვა ადამიანების გავლენის ქვეშ არ მოექცეთ. წინააღმდეგ შემთხვევაში, შესაძლოა შეცდომა დაუშვათ და არასასურველი შედეგი მიიღოთ. გაფანტეთ ილუზიები, შეხედეთ საკითხებს რეალისტურად, კარგად გააანალიზეთ მოსალოდნელი ფაქტები და ისე მიიღეთ გადაწყვეტილება.
წყარო – “ბომონდი”