მსახიობი მაკა შალიკაშვილი არ მალავს და ერთ-ერთ ინტერვიუში ამბობს, რომ გაჭირვების და მისი პროფესიის დაუფასებლობის გამო ხშირად ტირის:
“ვიტირე დღეს, როცა ინტერვიუსთვის დამირეკეთ და მკითხეთ, ვინ არის მაკა შალიკაშვილიო, მე გიპასუხეთ, რომ არავინ.
არავინ არ არის მაკა შალიკაშვილი! ძალიან დავიღალე. სახლს ვალაგებდი. ქირით ვცხოვრობ და დამღალა ქირაობის პროცესმა. აღარ მინდა ეს მოცემულობა, ამატირა ამ სიტუაციამ.
როცა შენი არ არის არაფერი, ძალიან რთულია. ნერვები მომეშალა, ვტიროდი და ეს რომ მკითხეთ, ვთქვი, რომ არავინ ვარ, არაფერი გამაჩნია. არ შემიძლია ავდგე და რამე ვიყიდო, ვიცხოვრო ისე, როგორც ცნობილი ადამიანები ცხოვრობენ სხვა ქვეყანაში…“ – ამბობს შალიკაშვილი “თბილისელებთან”.