დაბნელების დერეფანი 20 აპრილს მზის დაბნელებით დაიწყება და 5 მაისს მთვარის დაბნელებით დასრულდება. როგორც უკვე აღვნიშნეთ, 20 აპრილს ვერძის ნიშანში მზის სრული დაბნელება იქნება, ამიტომაც ემოციურად დატვირთული და შედარებით მძიმე დღისთვის მოემზადეთ. უმჯობესია, ამ დღეს ახალი საქმეები არ წამოიწყოთ და უკვე დაწყებული რაღაცები დაასრულოთ.
5 მაისს სასწორის ნიშანში კი მთვარის დაბნელება იქნება. ამ დღეს ურთიერთობაში შესაძლოა გაჩნდეს უკმაყოფილების განცდა, რამაც შეიძლება გამოიწვიოს კონფლიქტები და განშორება. ასევე შეიძლება მოხდეს არაპროგნოზირებადი ცვლილებები სოციალურ სფეროში და საყვარელ ადამიანებთან ურთიერთობაში. დაბნელების ზემოქმედებას იგრძნობთ დაბნელების დერეფნის დაწყებამდე სამი დღით ადრე და სამი დღის შემდეგ.
ამ პერიოდში უნდა გაითვალისწინოთ:
არ მიიღოთ მნიშვნელოვანი და რადიკალური გადაწყვეტილებები
დაბნელების პერიოდში ფინანსური ღონისძიებები შეფერხებულია. ამიტომ, ნუ გადაწყვეტთ დიდი შესყიდვების განხორციელებას.
ამავე პერიოდში არ არის რეკომენდებული იურიდიულად მნიშვნელოვან დოკუმენტებზე ხელმოწერა.
ასევე, ხანგრძლივი მოგზაურობების დაგეგმვა. ითვლება, რომ დაბნელების დერეფნის დროს ავარიებისა და კატასტროფების რისკი იზრდება.
ზოგადად, მოერიდეთ სარისკო აქტივობებს და დიდ ხალხმრავლობას.
დაბნელების დერეფნის პერიოდში რეკომენდებულია:
შეინარჩუნეთ სიმშვიდე, გააკეთეთ მედიტაციები, მოუსმინეთ საკუთარ თავს და შეეცადეთ, გაიგოთ, რა გიშლით ხელს სრულფასოვნად ცხოვრებასა და ბედნიერებაში.
დრო დაუთმეთ პიროვნულ ზრდას, წაიკითხეთ ახალი ინფორმაცია, გაეცანით სხვადასხვა მასტერკლასსა თუ ჩანაწერებს.
გააკეთეთ ფინანსური დანაზოგი, დაზოგეთ ფული.
გამოიჩინეთ მოთმინება და თავშეკავება, განსაკუთრებით თქვენი მენეჯმენტის, საქმიანი პარტნიორებისა და საყვარელი ადამიანის მიმართ.
წყარო – ჟურნალი “ბომონდი”