ალბათ, ყველა დაკვირვებიხართ, რომ ზოგი ადამიანი ჩვენზე დადებითად მოქმედებს, ზოგი კი – უარყოფითად. ასტროლოგიური თვალსაზრისით, სხვადასხვა ნიშნის ქვეშ დაბადებული ადამიანები ერთმანეთზე მართლაც სხვადასხვანაირად ზემოქმედებენ. არ იქნება ურიგო, თუ ცხოვრების მეგზურსაც ზოდიაქოს ნიშნის მიხედვით აირჩევთ, რათა შემდგომ პრობლემებსა და გაუგებრობებს აარიდოთ თავი.
ვერძებისთვის დადებითად მოქმედებს ქალწულებთან ხშირი კონტაქტი. მის მიერ „გამოფრქვეული“ ენერგია დადებითად მოქმედებს ვერძის ზოდიაქოს ნიშნით დაბადებული ადამიანის ფსიქიკაზე. ასევე, კარგია თხის რქებთან და კირჩხიბებთან ხშირი ურთიერთობაც.
კუროს ნიშნით დაბადებული ადამიანებისთვის სასიკეთოდ მოქმედებს სასწორის ზოდიაქოს ნიშნის ქვეშ დაბადებულ პიროვნებებთან კონტაქტი. ეს ნიშანი წინაღობების დაძლევაშიც დაგეხმარებათ. კირჩხიბების გარემოცვაში ყოფნა ხელს შეგიწყობთ კარგი განწყობის შენარჩუნებაში, ვერძის აურა კი ნერვულ სისტემაზე იმოქმედებს დადებითად.
ტყუპების ზოდიაქოს ნიშნით დაბადებულ ადამიანებზე კარგად მოქმედებს მორიელის, ლომის, თევზებისა და თავისივე ნიშნის – ტყუპების გარემოცვაში ყოფნა. სასწორთან კონტაქტი კი მეტ სიმშვიდეს მოუტანთ.
კირჩხიბის ზოდიაქოს ნიშნის ქვეშ დაბადებულმა ადამიანმა მეტი დრო უნდა გაატაროს მშვილდოსნისა და სასწორის გარემოცვაში. ისინი პრობლემების გადაჭრასა და ცხოვრებაში სწორი გზის არჩევაში დაგეხმარებიან.
ლომებისთვის ძალიან კარგია თხის რქის ზოდიაქოს ნიშნის ქვეშ დაბადებულ ადამიანთან კონტაქტი. ისინი დადებითად მოქმედებენ ლომის ფსიქიკასა და გრძნობებზე. ასევე, კარგია, კირჩხიბებთან მეტი დროის გატარება.
ქალწულებისთვის სიმშვიდისა და ჰარმონიის მომტანია მერწყულებთან ურთიერთობა. ისინი სერიოზულ პრობლემებს აგარიდებენ და მიგითითებენ თქვენთვის სასურველ გარემოცვაზე. ასევე, ქალწულებს ენერგიას შემატებს მშვილდოსნის ზოდიაქოს ნიშნით დაბადებულ ადამიანთან კონტაქტი.
სასწორის განწყობაზე დადებითად მოქმედებს თევზების ზოდიაქოს ნიშნით დაბადებული ადამიანების სიმშვიდე და მომხიბვლელობა. დახმარებისთვის კი სასწორებმა ყოველთვის ვერძებს უნდა მიმართონ და მათ თვალდახუჭული ენდონ.
მორიელი ძალებსა და ენერგიას ადვილად აღადგენს, თუ მეტ დროს გაატარებს ვერძის გარემოცვაში. ასევე, დადებითად მოქმედებენ მათ ნერვულ სისტემაზე თევზების, ქალწულებისა და ლომის ზოდიაქოს ნიშნით დაბადებული ადამიანები.
მშვილდოსანმა მეტი დრო უნდა გაატაროს ტყუპებთან, ლომთან კონტაქტი კი განწყობასა და ენერგიას ერთიორად აუმაღლებს. კარგია, თუ მშვილდოსანი ცხოვრების მეგზურადაც ამ ზოდიაქოს ნიშნებიდან აირჩევს.
სასურველია, თხის რქამ ტყუპების ზოდიაქოს ნიშნის ქვეშ დაბადებულ ადამიანს დაუკავშიროს ბედი, მას ყველაფერში აჰყვეს და ენდოს. თხის რქები თავს კარგად გრძნობენ, ასევე, კუროებთან, რადგან, ისინი თხის რქებს დელიკატურად მიუთითებენ და მათში გაღიზიანებას არ იწვევენ.
თუ მერწყულს უნდა, ყოველთვის ამაღლებული განწყობა ჰქონდეს, მეტი დრო უნდა გაატაროს კირჩხიბისა და თევზების ზოდიაქოს ნიშნის ქვეშ დაბადებულ ადამიანებთან. ისინი მხარშიც დაუდგებიან და პრობლემების დაძლევაშიც დაეხმარებიან.
თევზებმა მეტი დრო უნდა გაატარონ ლომის, მერწყულის, კუროსა და ტყუპების გარემოცვაში. ისინი დაეხმარებიან რთული პრობლემების დაძლევაში და განწყობაზეც კარგ გავლენას მოახდენენ.
თუ ნერვები დაწყვეტაზე გაქვთ და გადაიღალეთ კიდეც, მაშინ, მოძებნეთ ზემოთ აღნიშნული ზოდიაქოს ნიშნის ქვეშ დაბადებული ადამიანები, გაატარეთ დრო მათთან და ნერვული სისტემა ასე დაიწყნარეთ.
წყარო: თბილისელები