“ხომ დამპირდი, რომ სულ ჩემს გვერდით იქნებოდი..” – რა დაწერა კომენდანტის საათის დროს გარდაცვლილი ბიჭის მეუღლემ

14 ნოემბერს გვიან ღამით ხაშურის ცენტრში მომხდარი ავტოსაგზაო შემთხვევის შედეგად 19 და 24 წლის სიძე-ცოლის ძმა დავით ჩუტკერაშვილი და გიორგი მეტივიშილი გარდაიცვალნენ. შემთხვევის დროს საჭესთან გიორგი მეტივიშვილი იჯდა. ავარიის დროს ორივე ადგილზე დაიღუპა, მანქანის უკანა სავარძელში მჯდომი მესამე მგზავრი კი ამ დრომდე თბილისის ერთ-ერთ კლინიკაშია მოთავსებული.

დავით ჩუტკერაშვილს ცოლი სამი თვის მოყვანილი ჰყავდა. სალომე მეტივიშვილმა გარდაცვლილ მეუღლეზე და ძმაზე სულისშემძვრელი წერილი გამოაქვეყნა:

„ჩემო სიცოცხლე, ჩემო სიყვარულო, შენ ხომ დამპირდი, რომ სულ ჩემს გვერდით იქნებოდი, როგორ მიყვარხარ. ეს როგორ უნდა გადავიტანო. ჩემი დათუნა, ჩემი გიორგი, ჩემი სიყვარულები, როგორ გავუძლოთ, როგორ მიყვარხართ“, – წერს სალომე მეტივიშვილი.