ილია ფუტკარაძეს ოჯახი უკვე 27 დღეა ეძებს – მასთან კონტაქტი 17 მარტს შეწყდა.
ილიას დედა რუსეთშია, იგი საბუთების მოგვარებას ელოდება და საქართველოში ჩამოსვლას გეგმავს.
როგორც ოჯახის ახლობელი ამბობს, გამოძიებამ სასტუმროდან კამერის ჩანაწერი ამოიღო, რომელიც ილია ფუტკარაძის გაუჩინარების ბოლო წუთებს ასახავს.
“ჯერჯერობით არაფერი დამაიმედებელი ინფორმაცია არ არის. 27 დღე გავიდა და არ არის პასუხი კითხვაზე, ცოცხალია თუ არა ილია. ილიას დედას კონტაქტი აქვს გამოძიებასთან და პროკურატურასთან. როგორც ილიას დედა ამბობს, ჯერჯერობით ხელმოსაჭიდი არაფერი არის.
გამოძიებამ ამოიღო შაორის ტბასთან მდებარე სასტუმროს კამერის ჩანაწერები. სადაც ჩანს ილიას სილუეტი, თუმცა მისი სახე არ ჩანს გამოკვეთილად. კადრებში ჩანს, როგორ გადმოდის მანქანიდან, ტელეფონით ანათებს გზას და შორდება კადრს. რამდენადაც მე ვიცი, მანქანის მძღოლი იყო გამოკითხვაზე და დაადასტურა, რომ მან მიიყვანა“
წყარო: primetime